پیغامونه اورسمي بیانونه

د ملکي تلفاتو د مخنیوي په خاطر د نظامي کمیسیون اعلامیه

لکه څنګه چې ټولو ته واضحه ده د اسلامي امارت مجاهدین د نړۍ په سطحه هغه څوک دي چې په نظامي عملیاتو کې فوق العاده احتیاط او داولس د سر او مال ساتنه خپله مهمه وظیفه بولي.
د هیواد په بیلابیلو سیمو کې د مجاهدینو احتیاط او دقت د دې لامل شوی دی چې په جهادي بریدونو کې د ملکي تلفاتو کچه په بي ساري ډول راټيته شي.
خو یوازینۍ سیمه چې لا هم په کې کله ناکله ملکي تلفات پیښيږي، هغه د کابل ښار دی، دا ښار چې د اشغالګرو تر ټولو مهم مراکز او استخباراتي او پوځي ادارې په کې شتون لري او اولس وژونکو سپیشل فورس، ملي امنیت او د دښمن د نورو پوځي ادارو بې رحمه کارکوونکو اکثرو په کابل ښار کې په داسې ځایونو کې خپل دفترونه او مراکز جوړ کړي چې له اولس څخه د سپر په توګه کار اخلي.
له همدې امله کله چې په دې مراکزو د مجاهدینو لخوا بریدونه کیږي نو ولسي خلکو ته هم په کې زیان اوړي او د اولسي خلکو وژل قطعا زموږ په جهادي تګلاره کې ځای نلري.
نو د دې لپاره چې د اولسي تلفاتو کچه صفر ته راټیټه شي او زموږ بریدونه یوازې دښمن ته تلفات واړوي د کابل له ښاریانو مو غوښتنه دا ده چې د دښمن له پوځي، استخباراتي او نورو حساسو ادارو څخه ځان لرې وساتي.
مجاهدین پلان لري چې دالخندق عملیاتو په لړ کې د دښمن په دغو مراکزو بریدونه ترسره کړي او موږ نه غواړو چې زموږ په بریدونو کې دې حتی یوه تن بیګناه انسان ته هم زیان ورسیږي، هیله ده چې زموږ عام هیوادوال به په دې برخه کې له موږ سره همکاري وکړي او د دښمن د حساسو ادارو په شاوخوا کې د ګشت وګام، تګ راتګ او پاتې کیدلو څخه به ځان وساتي.

دا هم ولولئ  د ایمان پلورونکو فتوا او زموږ د عظمتونو تاریخ

د اسلامي امارت د نظامي چارو کمیسیون
۵/۹/۱۴۳۹هـ ق
۳۱/۲/۱۳۹۷هـ ش ــ 2018/5/21م



دا هم ولولئ

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close