تازه او عاجل خبر

وروستي جزئیات: کندز چهاردره کې د عملیاتي قوې ۳ ټانګونه ویجاړ، ۳ امریکايي او ۲۹ کمانډو عسکر مړه او ټپیان شول

له کندز ولایت نه په ترلاسه شوي خبر کې ویل شوي، چې درې ورځې وړاندي د یاد ولایت چهاردرې ولسوالۍ اړوند نهرصوفي، شیخان، خرکارانو، لغمانو،زاخیل، غونډۍ،  حضرتانو او میاګانو سیمو ته  د عملیاتو  په موخه د امریکایي اشغالګرو او مزدورو عسکرو ګډه قوه راغله، چې د مجاهدینو له کلک او ځپونکي غبرګون سره مخامخ شوه او درنه جګړه پیل شوه.

د خبر په اساس د جګړې په جریان کې د ګډ دښمن په راغلې قوه  د ځای په ځای شویو ماینونوچاودنې او مخامخ بریدونه ترسره شول، چې  په پایله کې یې ۲ تنه امریکایي اشغالګر عسکر،  ۱۹ تنه داخلي کمانډو عسکر او ۲ تنه اربکیان  ووژل شول، ۱ تن امریکایي، ۶ تنه کمانډو عسکر او ۲ تنه اربکیان مرګوني ټپیان شول.

له سیمې نه د الاماره ویب پاڼې همکار په خپل رالیږلي راپور کې کاږي، چې وارخطا دښمن د مجاهدینو په وړاندي په سیمه کې یوقدم پرمختګ  هم نه دی کړی، بې رحمه دښمن  د خپلو تلفاتو غچ له  بې دفاع ملکیانو څخه واخیست.

دا هم ولولئ  هلمند: ګرشک کې یوټانګ اویوه شوبله ویجاړه ۲ یرغلګرامریکايي عسکر او۲ کمانډویان ووژل شول

راپور زیاتوي، چې ګډ وحشي دښمن د ملکیانو په ضدله هیڅ راز جنایت څخه  مخ نه دی اړولی او د  وحشیانه بمباریو او د درنو وسلو په بریدونو کې یې د عامو خلکو ګڼ شمیر کورونه ، فصلونه،او عامه ځایونه ویجاړ کړل.

دغه رازد یوې کوچنۍ ماشومې په ګډون  ۴ تنه ولسي وګړي شهیدان شول او د ټپيانو په اړه تردې دمه دقیق معلومات نه دي ترلاسه شوي.

ګډ وحشي دښمن دغه جنایتونه په زاخیلو، غونډۍ، میاګان، شیخان او خرکارانو سیمو کې ترسره کړي دي.

د ګډوحشي دښمن د دغو بې رحمانه بمباریو او وحشیانه بریدونو له امله د سیمې ګڼ شمیر کورنۍ کور پریښودلو ته اړشوې او د سر د خوندي کولو په هدف نورو سیمو ته کوچیدلي دي.

د جګړو په ټول جریان کې  ۳ تنه مجاهدین سربیرن ټپيان شول او د ګډ وحشي دښمن راغلې قوه پرون ناوخته مهال بې له کوم پرمختګ او ملموسي لاس ته راوړنې بیرته له نوموړو سیمو څخه په شرمیدلي ډول وتښتیده.

دا هم ولولئ  لغمان ولایت کې د طالب العلمانو او حافظانو د فراغت په ویاړ ستره علمي غونډه جوړه شوه

2018/7/15



دا هم ولولئ

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close